جدِّدي بيتك بالنباتات الطبيعية

[ندعوك للتسجيل في المنتدى أو التعريف بنفسك لمعاينة هذه الصورة]

بسم الله الرحمن الرح

السلام عليكم ورحمة الله وبركاته
جبتلكم النهاردة موضوع جميل يارب يفيدكم
وتنفذووووه

كان نفسك تسكني في قصر أو فيلا كبيرة يكون فيها حديقة كبيرة قوي كل شوية تبصّي حواليكِ تلاقي المناظر الطبيعية الجميلة...
بس للأسف الحلم الجميل ده ما تحققش ولقيتِ نفسك ساكنة في شقة صغيرة مليانة بالعفش في كل حتة، ومفيش فيها أي منظر طبيعي واحد.. لدرجة إنك ساعات بتحسي إنك مخنوقة، ومش طايقة نفسك، ومش عارفة تتنفِّسي من كمية الحاجات الجامدة الموجودة حواليكِ...
طيب إيه رأيك يا قمر لما تعملي حديقة صغيرة جوه بيتك.. تحطي فيها نباتات خضراء جميلة تساعدك على تجديد الهواء داخل شقتك

وكمان تدّي منظر في منتهى الجمال..
موافقة؟؟؟
أكيد طبعاً موافقة..
ونفسِك تعملي كده..
بس مش عارفة ازاي!!

ولا يهمّك.. احنا هنقولك ازاي
يلا بينا نشوف ازااااى
[ندعوك للتسجيل في المنتدى أو التعريف بنفسك لمعاينة هذه الصورة]
شوفي يا قمر بما إنك قرّرتِ إنك تستخدمي النباتات الطبيعية علشان تجددي منزلك يبقى لازم يكون عندك شوية المعلومات البسيطة دي عن النباتات؛ علشان تعرفي ازاي تشتريها وازاي تعتني بيها وهي في منزلك...
تعالِ نعرفها واحدة واحدة

ازاي تشتريها
[ندعوك للتسجيل في المنتدى أو التعريف بنفسك لمعاينة هذه الصورة]
وأنت بتختاري النباتات من المشتل عايزاكِ تبقي شاطرة علشان محدش يضحك عليكِ، وافحصي أوراق النباتات كويس، وانتبهي كويس لأي عيب أو تلف ممكن يكون موجود في النباتات، وشوفي الأوراق لونها أخضر ولاّ أصفر، وكمان افحصي البراعم الخضراء وساق النبات كويس جدّاً وانتبهي إن الساق مفيهاش أي آثار للعفن.

بعد ما تختاري النباتات اللي عايزاها يا ريت تغطيها بغطاء بلاسيتك علشان تحميها من الطقس الخارجي البارد أو الحار اللي ممكن يكون النبات مش واخد عليه، خاصة وإن معظم النباتات في المشتل بتنمو داخل صوبة، وبالتالي فإن أي تغير مفاجئ في درجة الحرارة ممكن يؤدي إلى موتها بعد كام يوم من شرائها من المشتل...
ازاي تعتني بالنباتات
فيه شوية حاجات أساسية النباتات محتاجة لها لازم تكوني عارفاها علشان تقدري توفريها للنباتات.. والحاجات دي هي:
أولاً: الضوء الكافي
[ندعوك للتسجيل في المنتدى أو التعريف بنفسك لمعاينة هذه الصورة]
أي نبات في الدنيا بيحتاج إضاءة كافية علشان يقوم بعملية "التمثيل الضوئي" علشان كده لازم تاخدي بالك وأنت بتحطي النبات في البيت إنك تراعي إنه يكون جنب شباك أو بلكونة علشان يكون قريب من الضوء الطبيعي..

أما إذا كنتِ هتحطي النبات بعيد عن مصدر الضوء الطبيعي يبقى لازم تاخدي بالك من نوع الإضاءة اللي موجودة عندك في البيت.. وده لأن اللمبات العادية مش كفاية لسد حاجة النبات من الضوء، لذلك يجب إضافة لمبات النيون العادية أو اللمبات المتخصصة؛ وذلك لتعويض نقص الإضاءة الطبيعية..
ثانيا: التربة
[ندعوك للتسجيل في المنتدى أو التعريف بنفسك لمعاينة هذه الصورة]
مش أي تربة تصلح للنباتات المنزلية، يعني مثلا التربة اللي بتستخدم في الحدائق لا تصلح للنباتات المنزلية؛ وده لأنها ممكن يكون فيها آفات وجراثيم ممكن إنها تتكاثر وتؤذي النباتات الموجودة، وممكن إنك تحصلي على التربة المناسبة من عند صاحب المشتل اللي جبتي من عنده النباتات...
ثالثاً: حوض الزرع المناسب
[ندعوك للتسجيل في المنتدى أو التعريف بنفسك لمعاينة هذه الصورة]
بما إنك قررتِ إنك تجيبي نباتات في البيت عندك يبقى لازم تختاري أحواض رزع مناسبة، والأحواض دي لازم تكون قوية غير قابلة للكسر، ومن الأفضل إنك تجيبي أحواض فخار، وتحطيها في طبق كبير علشان تنزل فيها الميه اللي مش محتاج لها النبات كمان اتأكدي إن الحوض ده بيسمح بتصريف الميه كويس علشان ما يسبِّبش عفونة لجذور النبات.
ولازم تراعي إن حجم الحوض يكون مناسب لحجم النبات يعني مش معقول تجيبي حوض صغير وتحطي فيه نبات حجمه كبير..
رابعاً: الري
لازم تعرفي إن النبات له مواعيد محددة للري، وإن أنسب معاد للري يكون في الصباح الباكر أو بعد غروب الشمس، واوعي تروي النبات في فترة الظهيرة لأنه كده ممكن يموت منك.

وعلى فكرة يُفضَّل دايماً ري نباتات الزينة الداخلية في الشتاء على فترات متباعدة يعني مثلا كل 15 يوم مرة، أما في الصيف فيكون الري على فترات متقاربة وبالكميات المناسبة مرة كل أسبوع تقريباً.
خامساً: التسميد
[ندعوك للتسجيل في المنتدى أو التعريف بنفسك لمعاينة هذه الصورة]
أنسب وقت للتسميد هو وقت اعتدال الجوّ في (الربيع والصيف) حيث يبدأ النبات في النمو، وتكوين أوراق وزهور جديدة، أما في الشتاء فالنبات لا يحتاج إلى تسميد؛ لعدم نموه في هذه الفترة، وتسمى فترة السكون لدى النبات.
وعلى فكرة الأسمدة بتختلف باختلاف أنواع النبات، واختلاف الهدف منها؛ يعني السماد اللي هيستخدم لتكوين جذور النبات غير السماد اللي هيستخدم لتكوين الأوراق والزهور، علشان كده يا ريت تقولي لصاحب المشتل على الهدف اللي أنت عايزاه من السماد؛ علشان يديكِ السماد المناسب.
سادساً: تنظيف النبات باستمرار
شوفي يا قمر.. فيه طريقتين لتنظيف النبات:
الطريقة الأولى
طريقة الرشّ، ودي بتكون بإنك بتملأي بخّاخة الزرع بالماء الفاتر، وترشّي بيها النباتات، وخدي بالك إن كمية وقوّة الرش بتكون حسب حجم أوراق النبات، يعني مثلاً: لو كانت أوراق النبات كثيرة وكبيرة لازم تكون كمية الماء غزيرة، وإن كانت أوراق النبات خفيفة وصغيرة يبقى كمية الماء تكون أقل.
الطريقة التانية
وهي إنك تمسحي أوراق النبات الكبيرة بقطعة قماش رطبة أو قطن مبللة بالماء، واوعي تستخدمي الزيوت لتلميع ورق النبات؛ لأن ده ممكن يتسبب في سد مسام النبات.
سابعاً: المكان
[ندعوك للتسجيل في المنتدى أو التعريف بنفسك لمعاينة هذه الصورة]
أكيد مش هتحطّي النبات في أي مكان والسلام.. لأن المكان ده لازم يكون له مواصفات معينة، زي مثلاً: إنه يكون في مكان يصعب معاه الاحتكاك عند المرور بجانبه، كمان يكون بعيد عن الهواء المباشر للتكييف أو المروحة...
وفيه معلومة ناس كتير مش عارفها وهي: إن النبات بيتكيف مع المكان بسهولة, علشان كده احرصي دايما على عدم نقل النبات باستمرار من مكان لآخر؛ لأن بكده بيضطر النبات إنه يتكيّف من جديد مع المكان الجديد الموجود فيه، ودي حاجة مرهقة جدّاً للنبات.
وخدي بالك كمان إنك ما تحطيش النباتات الصغيرة بجوار الضوء المباشر لأشعة الشمس؛ لأن بكده ممكن يتحرق.

وبس دي كانت روشتّة سريعة للعناية بالنباتات

[ندعوك للتسجيل في المنتدى أو التعريف بنفسك لمعاينة هذه الصورة] Hairana [ندعوك للتسجيل في المنتدى أو التعريف بنفسك لمعاينة هذه الصورة]

هايل بجد يا دعاء انا بشكرك جدا على معلوماتك الجميله يا قمر

تقبلى مرورى

نورتينا والله يا اميرة المنتدى
انا اللى شكرا على ردك الجميل ده
يارب تكونى استفدتى عشان بيتك فى المستقبل
ان شاء الله
[ندعوك للتسجيل في المنتدى أو التعريف بنفسك لمعاينة هذه الصورة]

اوعدك اول حديقة حيوانات اشتريه اعمل كل دون

ههههههههههههههههههههههههههههههههههههه
ههههههههههههههههههههههههههههه

ميرسى يا جميل وتسلك ايدك

قصدى تسلم ايدك