هو "حماقي" مش مشارك في الإضراب؟!!

[ندعوك للتسجيل في المنتدى أو التعريف بنفسك لمعاينة هذه الصورة]

اللي يعيش ياما يشوف، واللي يركب الترام يشوف أكتر.. وأنا شفت بعيني ما حدش قال لي، عايز تعرف شفت إيه؟؟
غير اللطيف بالمرة أن أخبرك أن الترام لم يأت متأخرا بل متأخرا جدا، ولم يكن مزدحما بل مزدحما جدا، ولم يكن متعطلا بل متعطلا جدا، ولكن ما باليد حيلة..
ولكن الشيء اللطيف حقا الذي تستحق أن أخبرك به كان داخل الترام.. شابان جالسان أخذا اللي فيه النصيب من حسد الإخوة الواقفين وما أكثرهم.. كانا يتحدثان معا بعشوائية، لفت نظري سؤال أحدهما للآخر:
- عرفت بالإضراب بتاع بكرة ده؟
كنا في الخامس من أبريل الثاني 2009 والقلة المندسَّة والفيس بوكّيون يعدّون العدة لإضراب عام في الغد.. أدهشتني إجابة الثاني:
- إضراب إيه؟؟!!
ما يعرفش بالإضراب أصلا إذا كان بنت أختي ذات الأعوام الأربعة قالت لي: "هتسالك في الإضلاب يا خالو"؟؟ ولكنه يبدو أنه ليس لديه بنت أخت فمن أين يعلم إذن؟!..
- دول عاملين إضراب بكرة..
لفت نظري كلمة "دول" و"عاملين" ضمير الغائب "هما"، يعني هما دول اللي ما يتسمّوا، مش "إحنا" ولا لينا دعوة بيهم.. "إحنا" بنتفرج على اللي "هما" بيعملوه، وإن كان لـ"دول" فتح قالوا ألم نكن معكم، وإن كان لـ"دول" نصيب قالوا: ألم نستحوذ عليكم؟!!
استكمل الآخر غباوته قائلا:
- طب "هما" "بيعملوه" ليه؟ عايزين إيه؟؟
أجاب الآخر بـ"فَتْي" -من باب فتى يفتي فتيا- متقمصا زي العارف الخبير:
- طلبة الجامعات مضربين عشان عايزين يخفضوا المصروفات، والموظفين مضربين عشان يرفعوا المرتبات!!!!!
غلى الدم في نافوخي من هذا التبسيط الساذج والاختصار المخلّ والتلخيص الخايب، واختزال كل قيم الحياة في مصروفات ومرتبات، وأوشكت أن أدخل في الحِوار مع هذا "الحـ.."، ولكن عملا بمنطق الإضراب فقد أضربت عن الاشتراك في حوار "المعلم ضبش" و"سلطان" ده..
- يا عم دا هيعملوا معاهم زي كل مرة -دول بضمير الغائب والتانيين برضه بضمير الغائب وإنتم تبع مين يا عم- هيجيبوا لهم تامر ولا عمرو ولا أي حد يتلمّوا حواليه وخلاص..
- آه الإضراب اللي فات جابوا "عمرو دياب" فكلهم جم وما حدش غاب خالص صحيح..
- أمال يا عم الإدارة دي أصلها ذكية بتمشي أمورها وعارفة الناس عايزة إيه..
اندهشت للمرة المليون من هذه الطريقة الغريبة في تناول المشكلات، ده حتى الإدارة بتاعتهم برضه زيهم كده -صحيح الناس على دين ملوكهم- ولكن اللافت في الأمر هو هذه الطريقة التي تتعامل بها الإدارة مع تذمّر الموظفين والطريقة التي تحول بها بينهم وبين الغياب في هذا اليوم حيث تعمل حفلة حلوة تجيب فيها مغني له شعبية وأكيد فيها أكل طبعا فكل الموظفين ييجوا فالإضراب يفشل وكلهم يحضروا وتبقى الناس كلها راضية والموظفين مبسوطين ومرتباتهم عاجباهم والدنيا وردي..
حقا هذه هي الإدارة الذكية: "اديني في الهايف وأنا أحبك يا ناننّس".. والمثل يقول: "إذا حضر تامر بطلت كل الأفكار الشيطانية" فما بالك إذا حضر الأكل أيضا إذن فلتطلَّق كل المبادئ..
- دي المرة دي جايبين "حماقي" والله قالوا إنه بكرة جاي عندنا..
كل ما أعرفه عن حماقي هو هو كل ما أعرفه عن تامر، ولكنني وقد حانت محطة نزولي كان على وجهي العشرات من علامات التعجب من هذا النمط الذي أسعدني الحظ بالركوب معه حتى أني شكرت المترو الذي أتاح لي فرصة مقابلة هذين الشابين العجيبين اللي لا من "دول" ولا من "دول" ولا بيلعبوا في أي فريق يا دوب بس بيتفرجوا وخلاص..

نزلت والأسئلة تتزاحم في رأسي لكن أهم سؤال ظل يشغلني طيلة اليوم: "هو حماقي مش هيشارك في الإضراب ولّا مرتبه عاجبه"؟؟!!

Smile

هههههههههههههههه

بس كفايه المنتدى حايقفل بسبب الكلام ده

بس تعرفى لازم بجد نعمل حاجة

هايتقفل على ايدى ان شاء الله
ههههههههههههههههههه
الكل يبقى يجرى ساعتها
وهايبقى الجرى الجدعنة كلها
وهاتتخلوا عنى انا عارفاكوا بتحبووووونى اوووووووووووى
ههههههههههههههههه
بس والله لازم حل للى البلد فيه ده بس المسؤلين بقى اديهم فى ميه باردة
كلوا يجررررررررررررررررررررررى ويخلى باله من قفاه