الفسيخ حرام.. هل توافق على هذا الكلام؟!

[ندعوك للتسجيل في المنتدى أو التعريف بنفسك لمعاينة هذه الصورة]

شم النسيم اللي فات "من كام يوم يعني"
مجموعة كبيرة من المواطنين يحتشدون في مركب بدأ في التحرك في قلب النيل، على أنغام موسيقى شعبية صاخبة، يبدأ صاحب المركب في جمع الأجرة..
صاحب المركب: يلّا يا حضرات.. 3 جنيه للنفر بالصلاة على النبي..

يرد أب يصطحب أربعة من أبنائه: كتير يا أبويا.. ده إحنا في مناسبة يعني هنجيب فلوس للفسحة ولا فلوس للفسيخ.. ده أنا ماجبتش مراتي معانا عشان أوفر، قلت لها تتفسحي معايا ولا تاكلي فسيخ.. اختارت الفسيخ!
صاحب المركب: عندها حق.. أكيد الفسيخ أحلى من الفسحة معاك يا جدي! هع هع هع! إيدك بقى على 15 جنيه!

يقول أحمد الطالب الجامعي الذي يجلس إلى جوار الأب: بس ما تعرفش إن فيه فتوى حرمت أكل الفسيخ؟
ينظر له الأب في حدة وهو يقول: كمان الفسيخ طلع حرام؟! والله أنا خايف بعد كده يقولوا إن أكل الفول والطعمية حرام وإن الكشري هو بس اللي حلال!


[ندعوك للتسجيل في المنتدى أو التعريف بنفسك لمعاينة هذه الصورة]


أحمد: والله الكلام ده جد مش هزار.. والفتوى دي قالها إمبارح رئيس لجنة الفتوى السابق في الأزهر.. والراجل عنده منطق.. شايف إن الفسيخ حرام عشان "ريحته الوحشة" وطريقة تمليحه اللي أحيانا بتؤدي إلى تعفنه!
الأب: يا سلام؟ يعني أهالينا اللي بياكلوا الفسيخ من 1000 سنة وأكتر كلهم داخلين النار!

المراكبي: والله أنا شايف إنه ما ينفعش ندخّل الدين كده في حاجات زي دي.. يعني الطبيعي إن الناس تشغّل مخها.. وتعرف الصح من الغلط من غير ما تنتظر فتوى.. ارمي الهلب يا واد خلينا نريح هنا شوية!
أحمد: هنريح هنا في قلب النيل؟! ما علينا.. عموما أنا بأختلف معاك.. المنطق بيقول إننا ما ينفعش نتحرك في أي حاجة إلا بأخذ رأي الدين.. الدين داخل في كل تفاصيل حياتنا فلازم نتحرك في النور بتاعه.

الأب وهو يتصل بالموبايل: أيوه يا أم أنور.. كلتي الفسيخ كله؟ مش قلت لك سيبي لي واحدة طيب! سلام سلام!.. بتتكلم إزاي يا ابني.. الدين بتاعنا حاجة كبيرة قوي فمش كل تفصيلة صغيرة كده نحشرها وندخلها فيه.. وهو فيه نص بيحرم الفسيخ
؟
أحمد: لأ طبعا..

الأب: يبقى خلاص.. كل واحد حر يشغّل مخه.. مش لازم تكون فيه وصاية دايما عليّ من حد طالما الأمر بتاعي..

المراكبي: وبعدين القاعدة بتقول: لا ضرر ولا ضرار.. ومش ممكن عشان فيه حد مش بيحب ريحة الفسيخ يحرمه!
أحمد: بس أهو في كل سنة بنقرأ عن كام واحد جاله تسمم من الفسيخ.. يبقى تحريمه أحسن طبعا.

الأب: أيوه كام واحد بيتسمم من كام مليون واحد بياكلوا الفسيخ؟ معنى كده إن الناس لازم تدقق بس وهي بتشتري.. مش تحرم عليهم الفسيخ.. طب والرنجة بقى حلال ولا إيه نظامها؟!
المراكبي: ما أعرفش.. لكن اللي أعرفه إنك اديتني 14 جنيه بس مش 15.. فين الجنيه يا عم الحاج!

***
[ندعوك للتسجيل في المنتدى أو التعريف بنفسك لمعاينة هذه الصورة]


كلت الفسيخ أو هربت من ريحته!

بتحبه أو بتقول يا فكيك أول ما تشوفه جاي ماشي على أول الشارع -أيوه الفسيخ بيمشي اليومين دول!-

بتشتريه لوالدتك أو بتدخل معاها في خناقة كل سنة "عشان صحتك يا ماما بلاش"

السؤال هنا..
هل توافق على فكرة إصدار فتوى بتحريم أكل الفسيخ؟

بمعنى..

هل توافق على فكرة إصدار فتوى تحرم أو تحلل أشياء تتعلق بعادات وتقاليد شعبية متوارثة.. فتوى مرتبطة بنوع معين من الأكل؟

وهل أنت من النوع اللي "بيشغّل مخه" و"يستفتي قلبه" فيما يتعلق بمثل هذه الأمور "الخلافية" التي ليس فيها نص بالتحريم أو الإباحة؟
ولا أنت من النوع اللي لازم تنتظر الرأي من فوق أو الفتوى اللي تقول لك ده صح اعمله.. ده غلط ما تعملوش؟


حتى لو كان الصح واضح زي الشمس والغلط واضح زي القمر ليلة 14؟!

[ندعوك للتسجيل في المنتدى أو التعريف بنفسك لمعاينة هذه الصورة]


بتقول إيه؟ ما تعلّي صوتك شوية وإنت بتكتب رأيك.............!

هههههههههههههههههههههه
مالها دماغى بس يا ميدو ما انا كويسة اهو وقافلة بوقى
مش بقول على اللى بيحصل فى البلد وتحريم الفسيخ ده كمان
انت شكلك مش بتحبه عشان كده بتقول يمنعوه خالص
على العموم شكرا ياميدو على الرد الجميل ده

[[color:9357="Purple"]size=24]ههههههههههههههههههه
حبيبه قلبي انا معاكي في كل حاجه
بس حكايه النقاب دي بجد ولا ايييه
ده انا اخرب الدنيا واجيبك تخربيها معايا
ال يعني هه[/size]