قـانـون ..... بيقولوا عليه تشريعات .. مع إن رقصت عليه كاريوكا

النهارده أحترم نفسي وأنا باكلمكم عن كلمة قانون ..
وآه مـن معـاني لهذه الكلمة ..
قانون بمعنى القانون في الفن الشرقي .. آلة موسيقية جميلة تحب تسمع دندنتها ..
قانون ممكن بمعنى نظام أو مجموعة مبادئ ..
قانون عندنا بمعنى القانون اللي لازم نحترمه جميعاً ونقدسه ..
ولكن آه يا قانون .. وماذا يفعل بك القانونيين .. وقالوا في التشريع "القانون ملزم" .. ولكن القانون في هذه الأيام أيوه ملزم ولكن على ناس .. وناس يا حسره ..
آه وآه ثم آه منك يا قانون .. وكيف أن الناس تحت ظلك وباسمك عملوا حاجات كتير .. ناموا بالقانون .. وعطلوا مصالح الناس بالقانون .. وكعبلوا وتكعبلوا بالقانون .. أنا عارف يا قانون إن الناس إللي بتطبقك معذورة .. لأنها عاوزه تحكم بالعدل ..
والعدل أساس الملك .. لكن طيب إمتى .. وذنب الناس إيه
يا قانون إن المحاكم مزدحمة .. يا قانون القضايا بتقعد
خمسة عشر عاماً بدون أحكام .. الناس بتموت وأولادها مش عارفين يتابعوا مشاكلهم .. والأحكام لم تصدر يا قانون .. يا قانون طلع حاجه .. وشوف لك حل ..
إحنا قاعدين بنتخصخص .. والمتخصخصين ماليه العالم .. بلاش يا قانون تخللي الخصخصة من الخص .. مرعرع وطري ومايه خالص ومُليِّن .. أحلف لك يمين بالله إني زعلان منك .. عندك
حق .. أطق .. أطق مفيش مانع .. بس إيه رأيك في فكرة
الخصخصة ..؟ يعني نعمل محاكم قطاع خاص .. وإذا كان لابد يا قانون ان تختم الأوراق .. إختمها والناس تدفع الرسوم ..

محاكم القطاع الخاص دي يا قانون .. ح تفتح أبواب رزق حلو قوي للقضاء المتقاعد .. هؤلاء المتقاعدين هي نخبة وخلاصة
أفكار القانون .. إعمل محاكم قطاع خاص ويعمل بها السادة المتقاعدين ح يرحبوا بالفكرة .. وبعد ما تخلص أحكامهم .. صدق عليها يا قانون من خلال حكومتك .. فكر في كلامي كويس
يا قانون .. لأن بطء التقاضي .. ح يطفش الناس .. والأعمال .. والإستثمارات وح يعطل الأنشطة في البلد وطبعاً ح يأثر على الإقتصاد .. مش كده واللا إيه يا عم قانون ..؟‍‍‍!!!!!!!!!!
آدي إحنا قلنا عشان ما تقولوش إنت ما قلتش ولا ح اقعد جنب الحيطه ولا ح اسمع الزيطه .. العالم تعبت م الجري حوالين المحاكم .. مش بس الناس تعبت .. ده فيه ناس عجزت .. وناس ماتت .. وناس إتكسحت ولسه بتجري .. لذلك أدعوك أيها القانون أن تتحرك بكلمة واحدة منك .. ستحل كل المشاكل .. وبلاش الله يخليك بكلمة واحدة ونص .. واللا يا حبايبي .. سمعوني صلاة النبي عليه الصلاة والسلام .. ومستنياكم …

طهر ( الله ) قلبك .. وأزاح ( الله ) همك .. وغفر ( الله ) ذنبك .. وكثر ( الله ) أحبابك .. وبارك ( الله ) عملك .. وفرج ( الله ) كربك .. وأصلح ( الله ) أهلك .. وسدد ( الله ) رأيك .. وبارك ( الله ) في يومك وغدك بإذن الله تعالى

اللهم اغفر لها ولوالديها ما تقبل من نفسهم وما تاخر

وقهم عذاب القبر وعذاب النار

وادخلهم الفردوس الاعلى مع الانبياء والشهداء

واجعل دعائهم مستجاب فى الدنيا والاخرة

آآآآآآآآآآآآآآآآمــــــــــــــــــــــــيــــــــــــن

والله احلى كلام بس كلالالالام
والكلام معلهوش جمارك
على العموم تسلم ايدك وربنا معاكى
على فكرة يادوووودى احنا داخلين على ايام سووووووودا
اسود من شعر دماغنا
حســــــــبـــــــــــى الـــــــــلـــــــه ونعــــــــم الـــــــوكيل

عليه افضل الصلاه والسلام

انا مش حارد عاوز اقضى اياامى بخير بعيد عن السجون ال حاتروحها ناااااااس قريب

سلام من غير حاجة