نكتة على ما تفرج

[ندعوك للتسجيل في المنتدى أو التعريف بنفسك لمعاينة هذه الصورة]

- واحدة ست جالها وجع الولادة اتصلت بامها جت أمها اتصلت بالدكتور، الدكتور دخل يولّدها جاب العيل ومسكه من رجليه وضربه صرخ الطفل فاطمئن الدكتور، وبص لقي عيل تاني مسكه من رجليه وضربه فصرخ الطفل فاطمئن الدكتور، بعد كده الدكتور غسل ايده ومشي.. الست قالت لامها انا حاسه بحاجة بتتحرك! كشفت الأم لقيت عيل بيبص وبيقول هو الراجل الغِتِت اللي بيضرب العيال مشي ولا لسه.

- واحد اخترع حبوب للحامل علشان المولود يطلع مؤدب وكل مولود فعلا نزل مؤدب.. واحدة اخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له اتفضل إنت الأول.

- مره دكتور عظام مشى باليل الكلاب طلعت تجرى وراه.

- واحد صاحب مزرعة فراخ حمل العربية فراخ ثم مشي ووقفته لجنة وسألوه "محمل إيه ؟" قال لهم فراخ، قالوا له "بتأكلها إيه ؟" قال: بأكلها قمح قالوا له: عليك غرامة 100 جنيه بتأكل الفرخ قمح والبلد مش لاقية تاكل".. مشي مرة أخرى وهو مكمل وقفته لجنة وسألوه محمل إيه قال: فراخ، قالوا له "بتأكلها إيه" قال لهم بأكلها زبالة.. قالوا: غرامة 100 جنيه بتأكل الفراخ زبالة وتسمم الناس.
كمل علي الطريق ثم أوفقته لجنة، وسأله الظابط "محمل إيه؟" قال: فراخ، قال له "بتأكلها إيه؟" قال له والله يا باشا، أنا بادي لكل فرخة مصروف وهي تجيب الأكل اللي عايزاه".

- في حرامي دخل بيت عشان يسرق وهو بيفتش في البيت طلعت عليه صاحبه البيت وكانت تخينه اوي ومسكته ورمته على الارض وقعدت عليه وقالت لابنها : نادي ابوك يا محمد من على القهوه.. الحرامي قال بسرعه يامحمد وحياة والدك بسرعة.

- كلب شوارع مر على من جنب قسم شرطة شاف كلب بوليسي قال أخ لو كنت كملت تعليمي.

- شحات مر على عجلاتى قال له اعطينى مما اعطاك الله قال له العجلاتى خد لك لفة.

نكتة محكوم عليها بالاعدام ليه عشان موتت واحد من الضحك.

- غبي دفن نصه فى الارض عشان يصور كليب انا عايش ومش عايش.

- الأمريكان والروس بيترسموا على بعض الأمريكان يقولوا احنا أول ناس طلعنا القمر.. والروس يردوا لا احنا أول ناس طلعنا القمر .. فواحد مصري كان واقف وغضب جدا.. فقال: انتوا لما طلعتوا القمر لقيتوا إيه هناك ؟ قالوله طوب ورمل وزلط قال لهم احنا اللي مطلعينه.

بس هل دى مناسبة تمضغ فيها لبانه.. قال له بس ياعمي دي ضرورية بعد السيجارة.. قال له هو أنت بتدخن.. قال له على خفيف مع كاس الويسكي.. قال له وبتشرب كمان.. قال له احيانا لما بلعب قمار.. قال له فين بقى بتلعب القمار.. قال له فى الكباريه.. قال له ومن امتى بتروح على الكباريهات.. قال له من وقت ما طلعت من االسجن.. قاله وليه دخلت السجن.. قال له ضربت واحد بالسكينة ومات .. قال له وليه موِته.. قال له لاني طلبت ايد بنته وما وافقش.. قال له الاب على بركة الله يالله نقرى الفاتحة.

واحد عنده كتكوت مفترس كل ما يدخله قفص الفراخ يروح الكتكوت واكلهم ، وفي قفص القرود ياكلهم ، وفي قفص القطط ياكلهم ، راح راميه في الصحرا.. صعب عليه الكتكوت وراح يشوفه بعد تلات أيام، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت.. قام الكتكوت وقال له : يخرب بيتك بوظت الكمين.

- واحدة ست اشتركت فى من سيربح المليون جوزها طلقها عشان اتصلت بصديق.

- الابن يسأل والده: هل تستطيع أن تكتب في الظلام يا أبي.. الأب: نعم..الابن: أذن أطفىء النور وإمضيلى على شهادتي.

- واحد غبي كل الناس بتقول له يا حمار ، فقام في مرة قال لهم بلاش كلمة حمار دي سموني،
حاجة تانية فسموه جحش فراح لمراته فرحان بيقول لها مش الناس خلاص سموني جحش قالت له وهي غضبانة اتنيل ما أنت بكره تكبر وتبقي حمار تاني.

- واحد ندل جيرانه خبطوا عليه بالليل وقالوا له ماتشربش مياه من الخزانات لانها ملوثة دخل ينام فمراته بتسأله فى ايه قالها مافيش حاجة اشربي ميه ونامى.

- مره طالبه مشاغبة المدرس اشتكاها للمدير.. المدير بعتلها قال لها عملتى ايه.. قالت له ولا حاجه رميت ورده من الشباك.. قال بس كده.. قالت له اه.. بعد شويه لقى طالبة مدغدغة ومكسرة.. سألها ايه اللى عمل فيكى كده.. قالت له انا ورده الى اترميت من الشباك.

- مرة واحد واحد تاكسجى نايم..فدخلت عليه مراته الاوضة بالليل وقفلت الباب بشويش فصحى وقال لها افتحيه واقفليه تانى.

- مره واحد سرق فرخة وراح عند البحر نضفها واكلها.. جه الضابط.. وقال له انت سرقت الفرخة .. قاله لا يا باشا.. قال له الضابط والريش ده.. قال له دي نزلت تعوم وقالتلي اخلي بالي من الهدوم.

يا رب تعجبكم وميكونش الموضوع متكرر

واحد ندل جيرانه خبطوا عليه بالليل وقالوا له ماتشربش مياه من الخزانات لانها ملوثة دخل ينام فمراته بتسأله فى ايه قالها مافيش حاجة اشربي ميه ونامى.

جاااااااااااااااامدة موووووووووت

مره واحد سرق فرخة وراح عند البحر نضفها واكلها.. جه الضابط.. وقال له انت سرقت الفرخة .. قاله لا يا باشا.. قال له الضابط والريش ده.. قال له دي نزلت تعوم وقالتلي اخلي بالي من الهدوم

تسلم ايدك يا سلمى النكت جامده اوى

متشكرة جدا يا حمادة لمرورك
انا كنت خايفة لتكون متكررة
لكن شكلها مش متكررة الحمد لله

حتى لو متكررة
منك انتى حاجة تانية
و شكرا على مجهودك الرائع

ربنا يخليك
شكرا ليك ولذوقك ولمرورك اللى دايما بيفرحنى

هههههههههههههههههههههههههههههههههههه
لا على فكرة مش كلها متكررة
انتى زى العسل واى حاجة نسمعها منك شكل ومعنى تاااانى

ربنا يخليكى يا روح قلبى دايما رافعة معنوياتى

هههههههههههههههههههههههههه
لا بجد تحفه
الله ينور ياسوسو
جامدين اخر حاجه

مره طالبه مشاغبة المدرس اشتكاها للمدير.. المدير بعتلها قال لها عملتى ايه.. قالت له ولا حاجه رميت ورده من الشباك.. قال بس كده.. قالت له اه.. بعد شويه لقى طالبة مدغدغة ومكسرة.. سألها ايه اللى عمل فيكى كده.. قالت له انا ورده الى اترميت من الشباك

ههههههههههههههههههههه.