منى واحمد واقفين فى عز الظهر على الكوبرى

منى : (برومانسيه) شايف النجوم ياحمد

احمد: نجوم ايه بس فى عزالظهر دا انا الشمس حرقت افايا

منى : الله ياحمد بص السحابه اللى هناك دى اللى عليها العصافير

احمد: لا والله ياحبيبتى انا مش شايفها بس شايف دخان عربيات خنقنى

منى : يوووووووه ياحمد خليك رومانسى شويه

احمد: رومانسى ايه بس وانتى مخرجانى فى عز الضهر كده انا الشمس كلت وشى وقالت انا شبعت

منى : انت مش بتحبنى والا ايه

احمد: ياستى بحبك

منى : لاء انت كداب انت مش بتحبنى

احمد: يعنى اولع فى نفسى بجاز عشان
تصدقى انى بحبك

منى : (والدموع على خدها) لا ياحمد انت اتغيرت خالص

احمد: ياحبيبتى والله بحبك

منى : لاء ياحمد متصلحش اللى انت عملته

احمد: وهو انا كنت عملت ايه بس

منى : (تعيط) اهئ اهئ اهئ

احمد: بتعيطى ليه دلوقت

منى : احمد طلقنى ياحمد

احمد: هوا احنا لسه اتجوزنا عشان اطلئك

منى :يعنى كمان مش عايز تطلقنى

احمديشد فشعره) يادى الليله السودا انا ايه اللى خرجنى بس

منى : كمان خليتها ليله سودا .. يعنى انا اللى خرجتك غصب عنك

احمد: ياستى مش قصدى. بصى انا مش هرد عليكى عشان مانتخانئش

منى : للدرجادى قرفان منى

احمد: (وشه يحمر من الغيظ) يعنى انتى عايزه تتخانئى وخلاص

منى : يعنى انا نكاديه ياحمد

احمد: لاء ......انا

منى : انت بتاخدنى على اد عقلى

احمد: حقك عليا وادى راسك ابوسها

منى : ياسلام كده بكل بساطه

فجأه يقف احمد على سور الكوبرى ويرمى نفسه فى الميه

منى : تفتكر ياحمد انى كده هسامحك

هههههههههههههههههه

موتت الراجل منها لله

نايس توبيك يا كبير

تقبل مرورى

و الله احنا حمالين اسيه

ههههههههههههههههه
المعروف عن الراجل انه يقدر يتحمل حاجات كتير متتحملهاش الست
يعنى لو منى بتتعامل مع ست زيها كانت اتفرمت
لكن حظها انها بتتعامل مع راجل علشان كده رمى نفسه وكظم غيظه منها
ههههههههههههههههههههه
لازم تكوووووووووووووون صبوووووووووووووووور
علشان تقدر تتحمل المسؤلية

انا معاكى لازم الصبر
بس مش للدرجاتى
و لا ايه؟؟

انا متهيالى لو انت كنت مكانه
كنت هترميها هى
هههههههههههههههههههههههه