والمشاكسة الآن في كلمة نظام

والمشاكسة الآن في كلمة نظـــــام

نظام .. كلمة حلوة ..

نظام .. في الطوابير وكل واحد ياخد دوره ..

نظام .. في حياتك الشخصية أن تكون مرتب ومنظم ..

نظام .. في المواعيد عشان الزمن يكون له قيمة ..

نظام .. في حياتك العامة وأن تكون هناك أولويات ..

نظام .. مرادف لكلمة قانون في بعض البلدان التي ليس لديها قانون ..

نظام .. في الشوارع والحارات والطرقات ..

نظام .. في الدخول والخروج ..

نظام .. أحياناً نقول نقطة نظام للإذن بالكلام ..
حلو الكلام .. حلو ..

ولكن يا حسرة من كلمة .. لكـن ..

الناس ماشيه بالشألوب يعني بالمقلوب لما يحبو يغيروا القانون يقلبوه إلى نظام .. إزاي ..؟ أقولك ..

القانون ده تشريع وما يتغيرش إلا بقانون زيه .. أي القانون يتغير بقانون .. ولكن النظام بالمزاج .. سعادة المدير قاعد على مكتبه يغير في النظام على كيفه ..

أي أن النظام يتغير بمدير .. والمدير لما يدير لابد أن تكون فيه صفات المدير .. وأهمها فهم العمل والعمال والجمهور في
ظل النظام ..

إنما لما المدير يغير لصالح واحد من الثلاثة أصبح النظام في خبر كان على رأي ليلى مراد .. كان فعل ماضي ما نسيبه في حاله .. والماضي إحنا مالنا وماله .. عشان كده الناس غاوية عدم إحترام النظام .. إذا قلت للناس ممنوح التدخين .. يدخنوا .. لو علقت أي نظام في أي جهة حكومية أو شركة .. الناس مش تقرا النظام وتطبق النظام .. الناس تحاول وتفكر إزاي تهرب من النظام ..

إذا قلت للناس العمل ح يبدأ الساعة الثامنة يحضروا الثامنة والنصف .. وإذا قلت ح يبدأ الساعة التاسعة .. يحضروا التاسعة والنصف ..

طيب والحل .. الحل والعيب مننا فينا .. ابدأ بنفسك

فعلا يا سموره الدنيا بقت فوضى فى فوضى

واتلغت حته النظام عندنا وفى ناس بتاخر وتعمد تاخر كانوع من الشياكه بس لو فى نظام

احوال فى حياتنا هتغير

ميرسى يا قمر على موضوعك الجميل تسلم ايدكى يا قمر

و الله بتقولى حكم
فعلا النظام لو اطبق صح
كل حاجة حتبقى مظبوطة

شروق كتب:: فعلا يا سموره الدنيا بقت فوضى فى فوضى

واتلغت حته النظام عندنا وفى ناس بتاخر وتعمد تاخر كانوع من الشياكه بس لو فى نظام

احوال فى حياتنا هتغير

ميرسى يا قمر على موضوعك الجميل تسلم ايدكى يا قمر

بكره كل حاجه تتلغي مش النظام بس
ربنا يرحمنا بقي
يسلملي ردك ياقلبي

حمادة كتب:: و الله بتقولى حكم
فعلا النظام لو اطبق صح
كل حاجة حتبقى مظبوطة

اديك بتقول لو
يحينا ويحيك ربنا بقي