هو دا الى بيتسمه الضحك على الدقون ............

سلامو عليكوا
ازيكم ياشباب وبنات

انا النهارده حبيبت ادعوكوم اننا نفلسع رمضان
يعني ايه نفلسع رمضان ؟

يعني نكبر من شهر رمضان

ازااااااااااااااااااااااااي

مينفعش لادا احنا هنصلي ونختم القراءان

وايه يعني ياسيدي كبر

انتي بتهرجي ايه انتي معندكيش دم ولا عندك ايمان بالله

ايه رايكوا السنه دي نعيش عادي زي ما احنا عايشين يعني مفيش جديد
طبعا
اشترينا الياميش وبدانا نعمل الميزانيه عشان العزومات ونضف الشقه
وكمان علي النت بدانا نحضر بدانا نعمل مواضيع دينيه ودعائيه
يعني علشان ننبه الناس علي رمضان
بس في الاخر النتيجه ايه شويه منفاقين افاقين بيضحكوا علي نفسهم
طبعا الكلام اكيد الناس مستغرباه
بس انا هوريكوا حالات بتحصل في رمضان وانتوا احكموا

--واحده دايما وهي خارجه بتحط ميكب بس وهي صايمه مش بتحط وبعد الفطار بتحط عادي
--واحد قبل الفطار مش بيشرب سجاير لانه صايم مع انه بيجرح صيامه بالسجاره
-- واحده مش متحجبه بتلبس الايشارب في رمضان وبتقلعه اول يوم العيد
--سواق تاكسي واحد خنقه علي الطريق قام خارج من التاكسي وشتمه وهزئه وفي الاخر استغفر ربنا وقال اللهم اني صائم
-- الغريب ان الاسعار بتزيد اوي في رمضان مع انه شهر صيام للدرجادي مبنستحملش الجوع كام ساعه لدرجه اننا بالذات في رمضان وزننا بيزيد
-- السخيف اما تلاقي واحد او واحده تقولك انا مش هتفرج علي المسلسلات في رمضان لانهم هيتعادوا تاني كتير هبقي اتفرج بعد كدا
--اقبال غير طبيعي علي المساجد ونروحي نصلي في الجامع وتلاقي المحترم بيصلي وهو مسقط البنطلون والمبجله رايحه بالبرموده !!!!ومتقولوليش مبتحصلش لاني شوفتها بعيني وكمان تلاقي الام جايه وجايبه عيالها كلهم رايحين فرح احنا وبس ياوله بس يابت والعيال عمالين يجروا في الجامع اكنه النادي بتاع بابي

--واحد او واحده تلاقيه اول يوم رمضان بيطلع المصحف من المكتبه والغريبه انه بيبقي ملياااان تراب متعرفوش ليه ؟!!

دا اللي انا فاكراه دلوقتي
حاجات تغييييظ ججدا
كلنا بنجتهد في رمضان وبنجتهد اوي وبنختم القرءان مره واتنين وساعات تلاته مش غريبه هو ايه احنا مش بنفتكر ربنا الا 30 يوم بس طب وبقيه السنه راحت فين
هو ربنا بيحاسبنا في شهر رمضان بس
اانا فعلا عايزه اعرف ازااااااااااااااااااااااااي بييجي للواحد قلب انه 30 يوم بيتعبد لله سبحانه وتعالي وفي ظرف كام ساعه تتحول وكان الدين والصلوات والعبادات قيود زي ما الشيطان بيتسلسل انتا كمان بتسلسل معاها وبتفك القيود دي مع اول يوم العيد
ازاي يا مؤمن ازاي

وطبعا محدش هيقدر يتحجج بالشيطان ويقول هو اللي لعب في عقلي ربنا بيسلسل الشياطين في رمضان عشان يعرفنا اد ايه النفس اماره بالسوء
بجد انا بقول لكل واحد وواحده ناوي يلتزم في شهر رمضان وبعد رمضان يرجع كما كان خليك زي ما انتا
خلي عندك مبداء اثبت علي اللي انتا فيه

يا تتغير كليا

يا تثبت زي ما انتا

رمضان دا فرصه ربنا بيديهالنا كل سنه وكان ربنا بيمد ايده لكل محتاج بيقولك انا اهوا
تعالي وهتلاقي الامان وهساعدك وهدخلك الجنه بس احنا بئا بنفتكر اننا طالما مثلا افطرنا صائم يبقي احنا كدا داخلين الجننه داخلين خلاص اعمل اللي انا عايزه
الرسول عليه الصلاه والسلام اكيد كان عارف انه داخل الجنه ومع ذلك كان دايما بيؤدي فرائضه وبيعمل اللي عليه كانه شخص مش عارف اذا كان داخل الجنه ولا لا
ومحدش يقولي دا الرسول واحنا مش هنبقي زيه الرسول عليه الصلاه والسلام تعمد انه يخلي الناس كلها عارفه حياته الخاصه وكان بيعرف دايما الصحابه هو بيعمل ايه عشان احنا نعمل زيه مش عشان نقول انه شخص استثنائي واحنا مش زيه
انا فعلا حزينه علي الحاله اللي المسلمين وصلولها
يمكن اتكلمت بحده شويه لكن صدقوني لازم كل واحد يراجع حساباته كويس
ويشوف اذا كان ناوي يضحك علي نفسه ولا هيكون صادق ربنا سبحانه وتعالي ومع نفسه

معلش بس طبعا فى اللكام دا مش على كل الناس فى ناس مؤمنه بالله طبعا وهى طول عمرها كدا ومش بتغغير يمكن فى رمضان بتزودها حبيتين على ما كانت بتعمل يعنى تقارا قران زياده شويه ودول ليهم كل الشكر والاخلاص اما الباقى بقا ......... ربنا يهديهم

وعاوزه رايكم فى الكلام دا ...........