سيزر مشرفـــــه
عدد المشاركات : 475 تاريخ التسجيل : 22/10/2008 العمر : 33 الجنس : البلد : المهنه : الهوايه : المزاج : نقاط التميز : 13424 السٌّمعَة : 8 احترام قوانين المنتدى : حاصل على وسام : mms :
{اضافات} sms:
| موضوع: فرح شعبى لجمال مبارك يابلد (وربنا يستر عليا وعليكم) السبت 31 أكتوبر 2009, 10:33 pm | |
| فرح شعبي لجمال باشا مبارك يا بلد بيان رسمي من عليش أبو جالوص الغفير الخصوصي لفخامة آبا الحاج أبو جمال ومسئولالتنظيم فى الفرح بتاع البيه الصغير، : يا أهل العزبة بعد ما كنتم جرب والشق في رجل النفر منكم يساع كلبه والده، الحاج عطف واتكرم وخلاص هايدعيكم على فرح البيه جمال، ومع إن الفرح عائلى وانتم يعنى ماتستاجروش تمتو للحاج بصله، فاستحموا يابلد واجهزو، ونعرفكم أن فرح جمال بيه وارثكم - بعد عمر طويل لفخامة جلالة الحاج - على المصونة الجديدة خضرا بنت أبو حسين المسماه من النهاردة رودى بنوتة بابي هسين هيحضره ناس كبرات، ونضاف من العزب التانية ومن أهل المصونة الكبيرة الأكابر، و استحراصاً على صورة عزبتنا بين العزب الشرقية والكفور اللى ف الناحية ديه، قررت اللجنة السيادية الإعلالية العليا المتكلفة بإدارة الليلة الكبيرة رفع تقرير يحذر القوادة السياسية من بلاوي محتملة وفضايح متوقعة من أشكال زيكم وخصوصا لحظة تقديم الزفر للمعازيم ؛ وبناء عليه يا عزبة حدث من فترة يعنى وبناء على أنكم ما تفهموش فى التيكوتيك قرر فخامة الحاج نصب الفرح الحقانى فى ناحية برم الشيخ المجاورة للناحية الشرقية حدا دكانة حسين أبو سالم .
لكين الوضع اتغير وبقالكم دور وحضور يا عرر، والحكاية أصلها عشان يعنى يبقى فى معلومكم انتم وغيركم أن سيدة العزبة الأولى المصونة أم جمال الحنينة ريسة " قعدة للنسوان العمومية" وصاحبة مبادرة "العلام للناس كلاتها " التاريخية و"حركة أم جمال الدولية للنسوان بتوع السلام" التى تضم خيرة نسوة العزب الدولية، المهم المصونة مجالهاش قلب تحرم شعب العزبة من فرحتهم في ليلة مفترجه زى الليلة الكبيرة بتاع جمال بيه وطلبت من فخامة الحاج نصب فرح تاني شعبى لأهل العزبة اللي ما انعزموش في برم الشيخ، وقد رق قلب فخامته كعادته مع محدودى الدخل والمحتاجين ووافق على طلبها كما أصدر توجيهاته بتوزيع القرطاس الرسمي للعزبة على جميع الأهالي المشاركين في الفرح .
تيجو بقى متليفين كده ولابسين المزهزه والمكوى، من الساعة ستة قبل المغرب يوم الجمعة أربعة مايو وسط العزبة عند وسعاية طلعت أبو حرب قدام فرش الحاج مدبولي بتاع الجرايد وبكدة مالكوش حجة وحسك عينك إنت وهو تهوبوا ناحية فرح برم الشيخ أو الناحية الشرقية كلتها, حيث تتواجد قوات الغفر النظامية المدججة بالبنادق سعة عشر طلقات لتأمين الفرح والمعازيم الأكابر
ملحوظة ورجاء حار من الست رودى للنسوان اللى هايحضروا، بلاش الجاز واستخدموا شامبول وبلصن على شعوركم
نقي واحد من البانرات وحطه في مدونتك وربنا يتمم بخير [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] مبرووووووووووك يا جيمى
[ندعوك للتسجيل في المنتدى أو التعريف بنفسك لمعاينة هذه الصورة] ولو حد برجوازي متأمرك بيكتب فرانكوآراب يبقى يحط البانر ده [ندعوك للتسجيل في المنتدى أو التعريف بنفسك لمعاينة هذه الصورة] وكل نفس ذائقة المووووووتلو اتخرت عليكم بتاع تسع ست سنين كدة بلغوا عنى مع المفقودين هه[ندعوك للتسجيل في المنتدى أو التعريف بنفسك لمعاينة هذه الصورة] | |
|
Dark_MasTeR عضوفعال
عدد المشاركات : 360 تاريخ التسجيل : 06/01/2010 العمر : 31 الجنس : البلد : المهنه : الهوايه : المزاج : نقاط التميز : 11189 السٌّمعَة : 12 احترام قوانين المنتدى : mms :
{اضافات} sms:
| موضوع: رد: فرح شعبى لجمال مبارك يابلد (وربنا يستر عليا وعليكم) الأربعاء 16 يونيو 2010, 11:30 pm | |
| | |
|