سؤال فى الحب.........

اللعبة جميلة جدا واجمل ما فيها انها عايزة رغى كتيييييييير

وعايزة اراء مختلفة وبجد هنلاقى فيها حلول كتير لاكتر من مشكلة بتقابلنا

فكرة اللعبة هى

كل واحد هيلاقى سؤال فى الحب من اللى دخل قبله

هيجاوب عليه ويسال سؤال فى الحب واللى هيدخل بعده يجاوب عليه

مع مراعاة ان كل الاسئلة تكون فى الحب بس

وكمان لوعضو عايز يجاوب على سؤال مر بعده كذا سؤال
ممكن يجاوب عليه بالاضافة الى انه لازم يجاوب سؤال العضو اللى قبله

وعلشان منتلغبطش كل اللى يكتب سؤال يكتب قبله رقمه

وانا هبدا بسؤالى

السؤال رقم واحد
ممكن يكون فى حد بيحب اتنين فى نفس الوقت؟او بيحب واحدة ومعجب بالتانية؟ولو ممكن ينفع اى واحدة فيهم تسلمله؟

يا ريت تكون اللعبة عجبتكم

اللعبه حلوة اوى يا سملى

تسلم ايدك

انا حاجاوب على السؤال

هو ممكن طبعا حد يحب اتنين وده عادى جدا بس اكيد حاتيجى اللحظه الى قلبه يقرر يكمل مع مين

انا من وججه نظرى الشخصيه لازم يسلم قلبه للى بيحبها مش الى معجب بيها الاعجاب حاجة والحب حاجة

اما لو هو بيحب اتنين حب جامد يبقى شخص كذاب لانه بيكدب على نفسه وعلى الاتنين

اتمنى انى اكون فهمت السؤال وجاوبت عليه

السؤال رقم 2

يعنى ايه كلنه صداقه من وجهه نظرك...؟

تسلم ايدك ياسلمى
فكرة جميلة اوى
انا حاجاوب على السؤال رقم 1
من وجهة نظرى انا ان الانسان عنده قلب 1
يعنى يتحمل حب 1 بس
ولو فى حد تانى مش يبقى حب
ولو اعجاب اكيد حسخسره الانسانة اللى بيحبها
واجابه السؤال رقم 2
الصداقة هى كانك بتتكلم مع نفسك
انسان بيديكم الراى الصواب
و الاكتر من كده يحافظ عليك فى غيابك اكتر من وجودك

السؤال رقم 3

ايه هو الحب الحقيقى؟؟

شكرا جد يا ميدو ويا حمادة لمروركم الغالى

الحب الحقيقي :
هو أن تحب الشخص الوحيد القادر على أن يجعلك تعيسا
أجمل ما في الدنيا: الحب والرغيف والحرية
الإهمال يقتل الحب ، والنسيان يدفنه
الحب لا يقتل ا حد إنما يعلقه بين الحياة والموت
الحب سلطان ولذلك فهو فوق القانون
أنت لا تعرف قلبك حتى تفشل في الحب
الحب كالقمر له وجهان: الغيرة هي الوجه المظلم
الحب يقضي على الكثير من الآلام لأنه أعظمها
الأعمال أعلى صوتا من الكلام-إلا في الحب
الدموع تروي الحب والبسمات تنعشه
الحب كالمعدة القوية يهضم أي طعام وأي كلام

الحب يجعل الإنسان العادي شاعرا ، والشاعر مجنونا ، والمجنون حيوانا ، والحيوان شاعرا
الحب هو أن تبالغ في قيمة من تعرف ، والغيرة هي أن تبالغ في قيمة من لا تعرف
الإخلاص في الحب ليس إلا كسلا في النظر إلى إنسان آخر
المحب لا يجوع . والجائع لا يحب
الحب والحرب ندخلهما عندما نريد ، ولكن نهرب منهما عندما نستطيع
الذي يحب يصدق كل شيء أو لا يصدق أي شيء
الحب بئر عميق اشرب منها فقط واحترس من أن تقع بها
الذي يحبك بقسوة إنما يكرهك برفق
الحب يولد في العزلة والكراهية تولد بين الناس
الحب ليس أعمى ولكنه مصاب ببعد النظر فهو لا يدرك الأخطاء إلا عندما يبتعد
الندم لمن عرفوا الحب والأسف للذين لم يعرفوه
القبلة اتفاقية صامتة بعدها نلقي السلاح
اللعبة الوحيدة التي يشترك فيها اثنان ويكسبان فيها اثنان أو يخسرا معا . .الحب
الحب هو أجمل سوء تقدير بين اثنين
الحب كالحرب من السهل أن تشعلها . .ومن الصعب أن تخمدها

وصدقنى يا حمادة فى اكتر من كده عن الحب الحقيقى
ولو حكينا فيه للصبح مش هنديله حقه
يا ريت اكون وصلتلك جزء من الاجابة

[ندعوك للتسجيل في المنتدى أو التعريف بنفسك لمعاينة هذه الصورة]

السؤال رقم3

لو حد بيحب حد اوى وعايز يوصله وبيتكسف جدا جدا
ومش بيشوفه علشان حتى يبان فى عنيه يعمل ايه؟

ايه يا سمسم الكلام الكبير ده كله
وعلى فكرة سؤالك رقم 4
والجواب عندى و اكيد كلنا عارفين انه صح ميه الميه
اللى بيحب لازم بقول مهما كانت الوسيلة حتى لو اللى بيحب ده راح له لحد عنده ويقوله انا بحبك
وميستناش رد
و لازم يتحمل الرد مهما كان

صدق صح السؤال رقم 4
اصلى بحب رقم 3 جدا
وشكرا على اجابتك
محطتش سؤال ليه؟

انا هجاوب على سؤال ميدو رقم 2

الصداقة كالحب.. قيمة يختلف حولها الناس.. ومعنى يعرفونه سلبا وايجابا.
ايتها الصداقة: لولاك لكان المرء وحيدا، وبفضلك يستطيع المرء ان يضاعف نفسه وان يحيا في
نفوس الاخرين. فولتير
يقول أرسطو عندما سئل عن الصديق: «انسان هو أنت.. إلا أنه بالشخص غيرك».
وقال روح بن زنباع عن الصديق «انه لفظ بلا معنى». وعلق على هذا التعريف أبو حيان فقال: «أي هو شيء عزيز، وكأنه ليس بموجود».
ننتظر ثمرات الطبيعة من فصل الى فصل ، بينما نقطف ثمرات الصداقة كل لحظة.
ديموفيل
لم صديقك سرا، وامدحه امام الاخرين
ليوناردو دافنشي
صداقة زائفة شر من عداوة سافره
حكمة عربية
وسئل ديوجانس عما ينبغي للرجل أن يتحفظ منه فقال: «حسد الأصدقاء ومكر الأعداء».
وسئل أبو حيان عن أطول الناس سفرا، فقال: «من سافر في طلب صديق».
وقد شغلت الصداقة فكر أبي حيان حتى أنه ألف عنها كتابا كاملا يقع في 469 صفحة.. جاءت كلها رفضا لوجود معنى للصداقة، ولوجود الصديق، فيقول في صفحات من كتابه رسالة الصداقة والصديق: «ينبغي أن نثق بأنه لا صديق ولا من يتشبه بالصديق.. وإذا أردت الحق علمت أن الصداقة والألفة والاخوة والرعاية والمحافظة قد نبذت نبذا ورفضت رفضا، ووطئت بالاقدام ولويت دونها الشفاه، وصرفت عنها الرغبات».
وكان افلاطون يقول: «صديق كل امرئ عقله»!.
أما سقراط فيقول: «مما يدل على عقل صديقك ونصيحته لك انه يدلك على عيوبك، وينفيها عنك ويعظك بالحسنى ويتعظ بها منك، ويزجرك عن السيئة، وينزجر عنها لك».
وقال ديوجانس: «صديقي هو العقل.. وهو صديقكم ايضا. فأما الصديق الذي هو انسان مثلك فقلما تجده، فإن وجدته لم يف لك بما يفي به العقل، فاكبحوا عنتكم عن الصديق، الذي يكون من لحم ودم، فإنه يغضب فيفرط، ويرضى فيسرف، ويحسن فيعدد، ويسيء فيشجع، ويشكك فيضل».
وسأل احدهم سفيان الثوري قال: أوصني؟
قال: انكر من تعرفه!
قال: زدني!
قال: لا مزيد.
الصداقة الحقيقية كالصحة الجيدة، قلما تعرف قيمتها الا بعد فقدها
كولتون
الصداقة الحقيقية لا تتجمد في الشتاء مثل الماني
الصداقة ارض نزرعها بأيدينا مثل يوناني
انت تملك اصدقاء ، اذن انت غني بلوطس
الصداقة غالبا ما تنتنهي الى حب، ولكن قلما يتنهي الحب الى صداقة مثل انجليزي
قال حكيم: اهتم بالرفيق قبل الطريق.
حياة بلا أصدقاء، هى جنازة بلا مشيعين.
من لا توافقك صداقته، لا تتخذه لك عدواً.
من سوء التعامل أنك لا تستطيع ان تكسب صديقا، وأسوا من هذا، ان تفقد صديقا بعد حصولك عليه.
احتفظ دائما بحفرة صغيرة تدفن فيها اخطاء أصدقائك.
الصديق الذى يعرفك فى احزانك، لابد ستعرفه فى افراحك.
قال احد الأدباء: صديقى هو الذى يساعدنى، وليس الذى يوقفنى.
الصديقان الحميمان اذا اتفقا على موعد ، ذهب كل منهما اليه قبل الاخر.
الصديق المزيف كالظل يمشى ورائى عندما اكون فى الشمس ويختفى عندما اكون فى الظلام.
وقال الإمام علي كرم الله وجهه: من صاحب الانذال حقر ومن جالس العلماء وقر .
وقال النبي صلي الله عليه وسلم: "خير الاصحاب عند الله تعالى خيرهم لصحابه"
قال النبي أيضا: استأنسوا بالوحدة عن جلساء السوء.

يا ريت اكون وصلت الاجابة على سؤالك يا ميدو

السؤال رقم 5

لو كان الحب انسان كنت هتعمل او هتعملى فيه ايه؟

اجابتك نموذجيه ياسلمى بجد انتى هايله

اجابه بقى سؤالك رقم 5

هههههههههههههههههههههههههههههههههه

لو الحب انسان كنت قتلته

هههههههههههههههههههههههههههههههههه

السؤال رقم 6

لو بتحب/ى حد بجد وهو مش حاسس حاتعمل/ى ايه ....؟

ههههههههههههه
اجابة السؤال رقم 6
لازم تقوله يا برنس
حتى لو بالعافة

سؤال رقم 7
احنا ليه بنحب؟؟؟؟؟؟؟؟؟

انا هجاوب على السؤال رقم7
لو بحب انسان ومش حاسس
هغنيله على اد الشوق اللى فى عيونك يا جميل سلم
مه انا يا ما عيونى عليك سالونى وياااااااااما بتالم
ولو مجبتش نتيجة يبقى عارف وبيستهبل
هههههههههههههه

اجابة السؤال رقم 7
احنا بنحب علشان نعيش
علشان عندنا قلب قلبك السبب فى الحب
انت ممكن تحب انسان متشفهوش غير مرة واحدة فى الزحمة وتعيش طول عمرك تدور عليه ومتلقيهوش
انت بتحب علشان عندك مشاعر
الحب شئ لا ارادى
ينفع تسال احنا ليه بنجوع؟
دى حاجة طبيعية فى الانسان
غريزة فطرية

السؤال رقم8
ازاى الانسان يبطل يغير على اللى بيحبه؟
هى طبعا الغيرة مش حاجة وحشة
لكن لما تكون زايدة اوى
ومش عايزة تعرف الانسان ده انها غيرانه عليه
لانه ميعرفش انها بتحبه
وتكون بتغير عليه حتى من الكلمة الحلوة اللى اى بنت بتقولهاله
وده طبعا بيتعب نفسيتها جدا جدا

بسم الله الرحمن الرحيم
السلام عليكم ورحمه الله وبركاته
ج6
سأعمل بالحكمة التي تقول ان الحب لا يقتل بكلمات قيلت ولكن يقتل بكلمات لا تقال
إذا سأحاول ان اوصل لها احساسي من خلال الكلام المباشر وحتي ان كان هناك من
لا يقوي ع ايصال مشاعره بكلام مباشر فهناك ايضا لغة العيون والاحساس وهناك المواقف
التي تستطيع ان تجعل الشخص الذي تحبه يعلم مدي اهتمامك به ولكن المهم ان أحارب من
أجل إيصال حبي هذا بأي شكل للذي احبه حتي لا تختنق مشاعر حبه بداخلي .
س9
هل عندما يتخلي الحبيب عن كبرياؤه المعروف به من اجل حبيبته فهل بهذا قد ظلم نفسه
؟

لالالالالالالالالالالالالالالالالالالالالالالالالالالالالالالالالالالالالالالالالالالا

ما معنى الحب

بسم الله الرحمن الرحيم
السلام عليكم ورحمه الله وبركاته

ج 10
الحب هو كلمة يتفوهها الناس لكن الحب ليست مجرد كلمة بل هو مشاعر واحاسيس خلقها الله بداخل الانسان فكلنا كما نعلم ان الانسان عبارة عن مجموعة من المشاعر والاحساسيس التي تعيش بداخل كل انسان ويتفاعل من خلالها مع الامور وللحب اشكال وانواع عديدة اسماها حب الله وحب رسول الله صلي الله عليه وسلم وحب الوالدين والاخوة والاصدقاء الي اخره لما نسمعه من المسميات كحب الحياة والعمل فهذا كله من انواع الحب وهناك الحب العاطفي الذي يوجد فيه العديد والاختلاف عن باقي الانواع فالحب بصفة عامة هو عطاء وتضحية هو تمسك بالحبيب هو اعطاء حياة هو قلب ينبض هو امل هو احساس لا نستطيع السيطرة عليه قد لا نظهره او نبعده عن من نحب من اجل مصلحته ولكن لا نستطيع ابدا ان نكتم صوته بداخلنا الحب هو ان نحيا في عالم غير عالمنا بمجرد سماع صوت حبيبنا او عندما تحس بوجوده بجانبك الحب هو ان تري حبيبك بعين عقلك واحساس قلبك ان تحس بما فيه قبل حتي ان تعلم منه هو الحب هو ان تعطي ولا تنتظر ابدا مقابل لهذا العطاء الحب هو روحين تلاقوا ومزجت صفاتهم ببعض فاصبحوا توأم وتوزعوا علي جسدين الحب هو الالم والعفو والسماح نعم فعندما نحب نتألم من فراق الحبيب ونلتمس له ً كي نستطيع ان نعفو ونسامح عند عودته الحب هو انين ليل وسعادة نهار الحب هو دماء تتدفق بداخل الانسان ولا يستطيع ان يمنعها من السريان وان منعها انحبست بداخله وتجمعت لتقتله الحب نظره ولهفة لقاء الحب لمسه واحساس وبهي وضياء الحب هو مملكة لا يعرف دروبها الا من طرق الحب ابواب قلبه وكان هو اول سبيل دخوله لتلك المملكة . نقول بقي كفاية كده ونسيب شويه لغيرنا لو عايز يقول رأيه ويارب رأيي يعجبكم بقي .

س 11
ماذا هو التشابه بين الحب والبحر ؟

طبعا مفيش تشابه تام بينهم

لكن مش معنى كده انهم مختلفين تماما

يعنى مثلا
لما بنبص للبحر بنحس انه كبير اوى وملهوش نهاية
ولما حد بيحب حد اوى بيتهياله انه حبه ملهوش نهاية وملهوش حدود تمام زى البحر

وكمان البحر ممكن يطفى النار وبره بينجى الغريق
والنار اللى فى قلبك الحب يقدر يطفيها ولما حبيبك يبادلك نفس الشعور يبقى كده بيديك امل جديد فى الحياة تمام زى البحر

وانت متقدرش تشوف اللى فى قاع البحر يتهيالك انه جميل ورايق وفجاة تيجى موجة تدمر كل اللى حوليها
وممكن تحب حد ويتهيالك انه بيحبك اوى ويخدعك
وبعدها يسيبك او يخونك ويكون بيضيع وقت معاك مش اكتر

ونار الفراق والعذاب بتعمل فى القلب تمام زى ما الشمس بتعمل فى البحر
لانك بتكون بتتعذب اوى وبعدين تقابل انسان تديله كل الحب والمشاعر تسقيه بالحب والحنان

ولما الشمس بتبخر مية البحر بتتخزن فى السحب لحد ماتنزل مطر وتروى كل الناس

ولما يكون حد بيحب حد اوى ومش قادر يقوله ومحتفظ بمشاعر كتيرة اوى لنفسه
بيكون زى المطر اللى بينزل على البحر ولا بيسقى زرع ولا بيفيد حد

يا ريت اكون وفقت فى الاجابة

وانا مش هسال لان محدش جاوب على سؤال رقم 8

بسم الله الرحمن الرحيم
السلام عليكم ورحمه الله وبركاته

أولاً ما شاء الله موفقة جدا في الإجابة بجد عقلية ممتازة

ثانياً : اعذريني ع عدم الرد علي رقم 8 لانه سقط سهواً
ج8 : الغيره هو شعور من ضمن مشاعر الانسان المتولدة بداخله
لكن هناك غيره ايجابية وغيرة سلبية والغيرة الايجابية بتكون هيا اللي بتجعلك
تخاف علي من يحبه وتوجه دائما وتغير علي مصلحته دائما وهناك اوجه عديده ليها ايضا
ولكن هنا نتحدث عن غيره الحب ، والغيرة السلبية هيا ان اتشكك دائما ً في كل من حولي في
تجاه محبوبتي وان اتشكك في اي تصرف ليها وفي كل نظرات الناس وحلها بسيط جدا ً هو في
البداية اني اثق ثقة تامة في ان محبوبتي بتحبني انا وبس ولولا هذا لكان امامها الناس جميعا ثانياً
لابد أن اثق في نفسي جداً وفي قدراتي وان اعلم انه بسبب هذا محبوبتي تركت الجميع واحبتني
اكون دائما مستمر في توثيق اواسر العلاقة بيني وبين محبوبتي وأن تكون هناك صراحة دائمة
تبين كل المواقف والانفعالات حتي لا افتح اي باب او مجال لتسرب الغيرة العمياء إلي قلبي او قلبها ويارب برضه يا سلمي اكون اكون قد وفقت بإجابتي المتواضعة في إجابة سؤالك .

س 12 : أوصف أحساسك بالحب ؟

خوف احساسى الخوف

وعلى فكرة ده مش من طبعى

تفتكر لو انت بتحب حد

ايه الحاجة اللى استحالة تبديه عنك فيها؟

الاجابة على سؤالك ياسلمى
الحاجة دى هى
انه يحبنى اكتر ما بحبه

ياترى انت/ى بتحب/ى؟؟

بسم الله الرحمن الرحيم
السلام عليكم ورحمه الله وبركاته

جـ : الحمد لله اااااااااااااااااااااااااااااااااااااااااه بحب جدااااااااااااااااااااااااا

س : هل عندك الجرأة لتقول لها انك تحبها امام كل الناس ؟

ههههههههههههههههههههههه
يعني لما يجي عليه الدور وادخل اللعبه الاقي السؤال ده

لا ماعنديش

لما يكون هو عنده الجرأه الاول يعترف بحبي
ابقي انا اعترف بحبه

ليه في ناس لما بتحب توصل لقلب حد بيكدبو عشان يوصلو لقلبوهم وفي نفس الوقت بتبقي القلب اللي عايزين يوصلو ليه مش ملكهم ملك حد تاني

وابقو قولو ده رقم كام عشان انتو لغبطوني

بسم الله الرحمن الرحيم
السلام عليكم ورحمه الله وبركاته

جـ 17 : لأنه في الاصل كاذب ومخادع فمش هايهمه ان كان هذا القلب ملك لاخر ام لا
فالكاذب ليست عنده بمشكلة ايضا ان يحاول سرقة قلوب الاخرين فالنصاب والسارق وجهان لعملة واحدة فهو لو بيحس بجد كان اكيد حس ان قلبك ملك لغيره ولا يستطيع ان ينبض بغير ذلك

س 18 : أوصف من تحب ؟

انسان محترم على خلق متعلم ورومانسى
بيخاف على اللى منه اوى بيحترمنى مش بينظر نظرة حرام
بس عصبى اوى يعنى ومش معترف بحقى فى تكوين شخصية مستقلة ودى اكتر حاجة بتضايقنى منه

لو اتعلقت بحد اوى وانتوا مش لبعض ومتاكد من كده اوى تعمل او تعملى ايه؟؟؟؟؟؟؟