زائر زائر
| موضوع: القانون الجمعة 07 أغسطس 2009, 2:02 am | |
| لنهارده أحترم نفسي وأنا باكلمكم عن كلمة قانون ..
وآه مـن معـاني لهذه الكلمة ..
قانون بمعنى القانون في الفن الشرقي .. آلة موسيقية جميلة تحب تسمع دندنتها ..
قانون ممكن بمعنى نظام أو مجموعة مبادئ ..
قانون عندنا بمعنى القانون اللي لازم نحترمه جميعاً ونقدسه ..
ولكن آه يا قانون .. وماذا يفعل بك القانونيين .. وقالوا في التشريع "القانون ملزم" .. ولكن القانون في هذه الأيام أيوه ملزم ولكن على ناس .. وناس يا حسره .. آه وآه ثم آه منك يا قانون .. وكيف أن الناس تحت ظلك وباسمك عملوا حاجات كتير .. ناموا بالقانون .. وعطلوا مصالح الناس بالقانون .. وكعبلوا وتكعبلوا بالقانون .. أنا عارفه يا قانون إن الناس إللي بتطبقك معذورة .. لأنها عاوزه تحكم بالعدل .. والعدل أساس الملك .. لكن طيب إمتى .. وذنب الناس إيه يا قانون إن المحاكم مزدحمة .. يا قانون القضايا بتقعد خمسة عشر عاماً بدون أحكام .. الناس بتموت وأولادها مش عارفين يتابعوا مشاكلهم .. والأحكام لم تصدر يا قانون .. يا قانون طلع حاجه .. وشوف لك حل ..
إحنا قاعدين بنتخصخص .. والمتخصخصين ماليه العالم .. بلاش يا قانون تخللي الخصخصة من الخص .. مرعرع وطري ومايه خالص ومُليِّن .. أحلف لك يمين بالله إني زعلانه منك .. عندك حق .. أطق .. أطق مفيش مانع .. بس إيه رأيك في فكرة الخصخصة ..؟ يعني نعمل محاكم قطاع خاص .. وإذا كان لابد يا قانون ان تختم الأوراق .. إختمها والناس تدفع الرسوم ..
محاكم القطاع الخاص دي يا قانون .. ح تفتح أبواب رزق حلو قوي للقضاء المتقاعد .. هؤلاء المتقاعدين هي نخبة وخلاصة أفكار القانون .. إعمل محاكم قطاع خاص ويعمل بها السادة المتقاعدين ح يرحبوا بالفكرة .. وبعد ما تخلص أحكامهم .. صدق عليها يا قانون من خلال حكومتك .. فكر في كلامي كويس يا قانون .. لأن بطء التقاضي .. ح يطفش الناس .. والأعمال .. والإستثمارات وح يعطل الأنشطة في البلد وطبعاً ح يأثر على الإقتصاد .. مش كده واللا إيه يا عم قانون ..؟!!!!!!!!!!
آدي إحنا قلنا عشان ما تقولوش إنت ما قلتش ولا ح اقعد جنب الحيطه ولا ح اسمع الزيطه .. العالم تعبت م الجري حوالين المحاكم .. مش بس الناس تعبت .. ده فيه ناس عجزت .. وناس ماتت .. وناس إتكسحت ولسه بتجري .. لذلك أدعوك أيها القانون أن تتحرك بكلمة واحدة منك .. ستحل كل المشاكل .. وبلاش الله يخليك بكلمة واحدة ونص .. واللا يا حبايبي .. سمعوني صلاة النبي عليه الصلاة والسلام .. ومستنياكم …
وإلى لقـــاء ،،،،
[i] |
|
شروق نائبه المدير
عدد المشاركات : 1771 تاريخ التسجيل : 13/05/2008 العمر : 34 الجنس : البلد : المهنه : الهوايه : المزاج : نقاط التميز : 20879 السٌّمعَة : 13 احترام قوانين المنتدى : حاصل على وسام : mms :
{اضافات} sms:
| موضوع: رد: القانون الجمعة 07 أغسطس 2009, 5:32 am | |
| يا خسرتك يا سموره بقيتى تبع الحزب اشتراكى وبقتى تكلمى زى بتوع السياسه بس برضو عندك حق فى كل كلمه
| |
|
حمادة عضو فضى
عدد المشاركات : 1351 تاريخ التسجيل : 15/10/2008 العمر : 37 الجنس : البلد : المهنه : الهوايه : المزاج : نقاط التميز : 12686 السٌّمعَة : 20 احترام قوانين المنتدى : حاصل على وسام : mms :
{اضافات} sms:
| موضوع: رد: القانون الجمعة 07 أغسطس 2009, 2:02 pm | |
| و الله عندك حق بس يا ريت تستخبى بقى
| |
|
زائر زائر
| موضوع: رد: القانون الجمعة 07 أغسطس 2009, 7:47 pm | |
| - شروق كتب:
-
يا خسرتك يا سموره بقيتى تبع الحزب اشتراكى وبقتى تكلمى زى بتوع السياسه بس برضو عندك حق فى كل كلمه
الخساره مش كبيره
يلا هي موته ولا اكتر
نورتي ياقمر
|
|
زائر زائر
| موضوع: رد: القانون الجمعة 07 أغسطس 2009, 7:50 pm | |
| - حمادة كتب:
- و الله عندك حق
بس يا ريت تستخبى بقى
انا مش بخاف عشان استخبي
محدش عنده مكان اصلنا ناوين نعزل من بيتنا هههههههههههههههه
|
|
ahmed.3ashri المدير العام
عدد المشاركات : 2595 تاريخ التسجيل : 20/05/2008 العمر : 36 الجنس : البلد : المهنه : الهوايه : المزاج : نقاط التميز : 13664 السٌّمعَة : 14 احترام قوانين المنتدى : حاصل على وسام : mms :
{اضافات} sms:
| موضوع: رد: القانون الجمعة 07 أغسطس 2009, 10:17 pm | |
| هو طريق السجن منين علشان ابقى ازورك
| |
|
زائر زائر
| موضوع: رد: القانون الأحد 09 أغسطس 2009, 12:49 am | |
| ليه تزوني ماانت ساعتها برضه هتبقي محتاج زياره هههههههههههههههههههههه عشان اكيد هتكون معايا |
|