المسابقه الرمضانيه لمنتدى اصحاب ..؟

سيتم يوميا ابتدا من شهر رمضان المبارك وضع اسئله يوميه فى المسابقه

اوكتر عضو حايجاوب على اكبر عدد من الاسئله حايكسب معانا جايزه

والجايزه هى سوف يتم اختياره كمشرف عام لمنتدى اصحاب وبس...

نبداء المسابقه""
على بركـــه اللــه

شكرا يا عشرى على المقدمة الهايلة ديه
انا حبيت اعمل حاجة حلوة وظريفة وفى نفس الوقت مش صعبة ان شاء الله
واقترحت الموضوع على احمد وقالى نبدأ ونعمله
وهيا فزورة بس رمضانية او بمعنى اصح اسلامية
ويارب تعجبكم الفكــــرة والاسئلة هاتبقى عبارة عن

أسماء كتير ربِّي ذكرها
جوه آياته الحكيمة
في مُصحَفه الهادي المُنير

يمكن تكون أسماء بلاد
أسماء أمم..
ولاّ حتى أسماء طيور

كلها أمثال ضربها
ربنا الهادي الغفور

عشان نشوف خطوِة طريقنا
وتنشرح فينا الصُّدور

افتح المصحف وجاوب
واذكر الأسم اللي غايب
في السطور...

اكيد فهمتو من الكلام ده انا اقصد ايه
اقصد ان الحكاية هاتبقى على اسم ذكر فى القرأن
نبدأ بقـــى
ونقـــــــــول اول سؤال

[ندعوك للتسجيل في المنتدى أو التعريف بنفسك لمعاينة هذه الصورة]

كل بلاء الكون لو نِفهم
نعرف إن الخير ويّاه
وف قصة يوسف وإخواته
عبرة بتنطق باسم الله
قالوا إن اللي بنسأل عنه
أَكلُه وأخد النور ويّاه
لكن رغم دهاؤه ومكرُه
أنيابُه ما شفتش دِماه
والمظلوم بيقول أنا زيُّه
برئ من دم نبي الله

الاجابه هى الذئب

صح

مش هاقول صح ولا لآ الا لما نشوف ردود باقى الاعضاء
وهانحسب لكل واحد قال الاجابة صح نقطة عشان فى اخر رمضان نشوف
مين كسب نقاط اكتر ويبقى هو الفائز بالمنصب اللى عرضه عشـــرى
يالا يا جماعة عايزة الموضوع يسخن اكتر
فين الاعضاء
مستنيـــة

بسم الله الرحمن الرحيم

هيا عموما ً الاجابة صحيحة
الذئب هو المقصود بهذا الكلام
حتي انه في مثل شهير او حكمه قديمة تقول
" انه برئ براءة الذئب من دم بن يعقوب "

الله اعلم صحيحة ولا لآ
لما نشوف بقيت الاعضاء
وعموما انت رأيك من رأى عشرى
اما نشوف باقى الاعضاء
رأيهم ايه

الذئب هي الاجابه الصحيحه

فعلا يا جماعة الذئب هيا الاجابة الصحيحة
شكرا ليك يا عشرى وليك يا ملاك وليكى يا سورة
كل واحد فيكو اخد نقطة فى حسابه

ودوقتى بقى فزورة النهاردة

[ندعوك للتسجيل في المنتدى أو التعريف بنفسك لمعاينة هذه الصورة]

كان طعام لسيدنا موسى

بعدها أصبح علاَمة

لمّا شافُه

وِسط موج البحر يجري

شال نبي الله في بطنه

وهو بيسبَّح لربُه

بالندم.. والقلب يبكي

قد إيه كان سيدنا يونس

فوق حدود الصبر صَبره

وسِرّ تسبيحُه بيسري

مستنية الاجابات يا جماعة

فى انتظاركـــو

بسم الله الرحمن الرحيم

الأجابة هيا الحوت

الاجابه هى ::

الحـــــــــــــــــــــــوت

الحوت بس انا والله مش بغش انا بس باجي متاخر

الله يا جماعه المسابقه جميله طيب مش تقوله
الاجابه الحوت

صح يا جماعة
الاجابة فعلا هيا الحوت
وياريت الكل يدخل يشارك انا جيبلكو اسئلة سهلة جدا
ومعلومات يارب تفيدكم
شكرا ليكو يا احلى اصحاب
يا ملاك وليك يا عاشق وليك يا احمد وليكو يا سمورة
اقولكو فزورة النهاردة بقى

[ندعوك للتسجيل في المنتدى أو التعريف بنفسك لمعاينة هذه الصورة]

كل الشعرا عليه بيقولوا

إن حبيبهم زيُّه تمام

ياخد من الشمس المحجوبة

نوره ويظهر بعد خصام

ربنا أقسم بيه في كتابه

وجعله علامة على الأيام

فوق في السما.. في العالي مكانُه

وسط نجوم سهران ما ينام

الاجابه هي القمر

ها فين بقيت الاعضاء
مستنياااااااااااااكو

[size=29]

فزورة النهاردة يا جماعة انا هاقولها
بس بقى محدش بيرد وبيحل الفوازير
وانا قررت اول واحد يرد هو اللى هايكسب النقطة

فزورة النهاردة بقى

[ندعوك للتسجيل في المنتدى أو التعريف بنفسك لمعاينة هذه الصورة]

[center]
اللي مش مؤمن بربه

واللي يوم يقهر عبيده

لو يكون فرعون وساحر

ييجي شيء بالله يِكيده

معجزة تعجِّز إرادته

تقول: لربي ما يريده

والعصا لما رماها

سيدنا موسى بطرف إيده

اتحولت مخلوق بيسعى

ومعجزاته بإذن سِيده

مخلوق نخاف منه ونهرب

من سمومه ومن شهوده

وديه فزورة امبـــــــــــارح
واعذرونــى لآنــى منزلتهاش لان النت كان فيه مشكلة عندى

وعلى العموم الفزروة اهى

رمز الصبر سفينة صحرا

يحمل كل متاع الناس

وسط جبال الأض تشوفه

ماشى ورافع فيه الراس

[/center]

حل اول فزوره

الثعبان

حل تاني فزوره
الجمل

تسلمى على الاجابة يا سمورة
اجابته صحيحة
وليكى نقطة كمان
شكلك انتى اللى هاتفوزى بالمنصب

هيه هيه هيه

هههههههههههههههههههه ما تفرحيش
العبرة فى النهاية
بس تفائلى خير

السلام عليكم ورحمة الله وبركاته
الاجابه هى الذئب

عاوزين اسئله صعبه

السلام عليكم ورحمة الله وبركاته
الاجابه هى الذئب

عاوزين اسئله صعبه

انت او انتى داخلين بعد ما جينا للسؤال الرابع
ديه اجابة السؤال الاول
مسابقى على قدنا
بس لذيذة
عشان الكل يشارك
ورمضان كريم
ونورتى المنتدى

متاسفه وسابحث عن باقى الاسئله لانى جيت متأخره وشكرا للتوضيح:pale:

والمنتدى منور بيكى hairana
ورمضان كريم:heart: :heart:

الله اكرم يا سما
نورتى ده انتى من ريحة الغالية
يارب المنتدى يعجبك