المسابقه الرمضانيه لمنتدى اصحاب ..؟

شوفتى يا سمر او حد هاينافسك فى المنصب
بوسبوس بتسبقك فى الرد
الاجابة صحيحة يا بوسبوس
تكسبى نقطة يا قمرى
يارب دايما كده
طلعى لسانك لسمر بقى
ههههههههههههههههههههه
انا جايةاهدى النفوس

اسبكو مع الفزروة بقى وكفاية رغى

[ندعوك للتسجيل في المنتدى أو التعريف بنفسك لمعاينة هذه الصورة]

على كل حيطة في بيت قديم

تلقاه هناك

ناسِج خيوطه

وفي الكتاب سورة باسمه

فيها حكمة

تعرّف الغافل حدوده

شبه الكافِر بصورته

وإن أضعف بيت تشوفه

هو بيته

السلام عليكم يا شباب يارب تكونو بخير

الاجابه هى العكنبووووت

أجابة صحيحة يا عشرى
التنافس بيزيد على المنصب يا جماعة
اخر رمضان هانشوف مين هايكسب
وهايفوز بالمنصب شدو حيلكو يا جماعة

بسم الله الرحمن الرحيم

وهو من جعله الله سبحانه وتعالي
ينسج خيوطه علي باب الغار
لكي ينقذ سيد الخلق والأنام
من أيدي الكفار
فهو فعلا العنكبووووووووووت

انا جيت متأخرة ولا ايه هو العنكبوت فعلا
وسبقتني ياعشري
مستنيا الفزروة التانيه يارب الحقها
بس المفروض ليها معاد معين كل يوم تنزل فيه ساعه محدده
عشان التنافس يزيد يادودو

انتى على طول متأخره يا بسمه ..؟

بس شدى حييلك شويه عاوزين منافسه جامده طحن منك

تصدقى فكره انها تنزل بميعاد

تقبلى مرورى

كده برده ده انا حتى موجوده اهو مش متاخرة
بس شكلهم قاعدين على بابا التوبيك قبلي
بس من بكرة لاذم يكون فيه معاد واللى ميدخلش يكون هو اللى متاخر

العنكبوت
ايه ده ده انا اخر واحده ياحلوتي
اوعي يابسمه تطلعيلي لسانك
احنا اصحاب اوعي تسمعي كلام حيرانه
راح المنصب والحمدلله

ايه يا بنات هاتتخانقوا ليه
اللى له نصيب ياخد المنصب هاياخده
وهانشوف مين اللى فى الاخر هايطلع لسانه للكل
اسيبكو بقى الفزورة

[ندعوك للتسجيل في المنتدى أو التعريف بنفسك لمعاينة هذه الصورة]

صالح سيدنا أمر بلسانه

واللي يقوله بأمر الله

قال خلوها بلاش تِئذوها

تِرعى لحالها في أرض الله

لكن عقروها.. قتلوها

وانتظروا لعقاب الله

كانت آية فهمها المؤمن

أما الكافر ضل وتاه

بسم الله الرحمن الرحيم

الاجابة هيا ناقة سيدنا صالح عليه وعلي نبينا السلام

بسم الله الرحمن الرحيم
" فقال لهم ناقة الله وسقياها فكذبوه فعقروها فدمدم عليهم ربهم بذنبهم فسواها "
صدق الله العظيم

برافو عليك يا ملاك
المنافسة اشتدت
اما نشوف مين اللى هايكسب ويطلع لسانه
ههههههههههههههههههههه

بسم الله الرحمن الرحيم

ميرسي يا حيرانه
وإن شاء الله أشارك بفاعلية بقية الايام اللي جاية
علشان اعوض الايام اللي فاتتني بإذن الله

الاجابه هي ناقه الله

اجابتك صحيحة يا سمورة
بس للاسف ملاك اللى سبق واكل النبأ
واخد النقطة هو
ابقى ادخلى بدرى شوية
يا جماعة انا بنزل الفزورة بالنهار قبل الفطار
يالا بقى شدو حيلكم

انا اسفة للتأخير انى مش نزلت الفزورة قبل الفطار

بس معلش ظروف بقى

الفزورة اهى

[ندعوك للتسجيل في المنتدى أو التعريف بنفسك لمعاينة هذه الصورة]

مسجِد وفيه النبي

كان بالبُراق موعود

وصلى بالأنبيا

والأمر كان مشهود

لكِنُّه بعد المدى

في الأسر بات مكدود

عمِّ الظلام ناحيته

بس الأمل موجود

ولابد يوم ننتصر

والفجر لينا يعود

بسم الله الرحمن الرحيم

الاجابة هيا المسجد الأقصي

المسجد الاقصي
مبروك ياملاك

بسم الله الرحمن الرحيم
ميرسي يا سمر

الله ينور يا ملاك والله
اجابتك صحيحة
شكلك انت اللى هاتفوز

عاملين ايه يا حلوين
وحشتونى
اتاخرت عليكو فى الفزورة النهاردة معلش

[ندعوك للتسجيل في المنتدى أو التعريف بنفسك لمعاينة هذه الصورة]

"إنّا أعطيناك..."..

يا نبينا

كانت آية تِدُلّ علي
ه
نهر بيجري في جنة ربُّه

قلب المؤمن

يسعى إليه

يلقى هناك أباريق

والساقي

سيدنا رسول الله بإديه

يشرب بعد الصبر يلاقي

رشفة تساوي

الكون وما فيه

الكوثر

الكوثر

بعدك انا بقى المره دى يا سمر

هههههههههههههههه
سمر سبقتك المرة ديه يا عشرى
اللى سبق اكل النبأ
هانشو بقى المرة ديه هايكون مين

اسبكو مع الفزورة بقى

[ندعوك للتسجيل في المنتدى أو التعريف بنفسك لمعاينة هذه الصورة]

كان سليمان الحكيم

فايت يتمِّم ع الطيور

وكلهم كانوا حضور

إلا هو..

طار بعيد..

عدّى الحدود..

عدّى الجسور

ورجع عشان يحكي الحكاية

لِناس بتُعبد شمس رب الكون

في توهة وف غرور

ناس قلوبها اتحجَّرت

زي الصخور

عشان يتوبوا ويسلموا

ويعبدوا الله الشكور

بسم الله الرحمن الرحيم

الاجابه هى ::الهدهد::

انا بقى المره دى الاول

هههههههههههههههههههه
ماشي ياعشري مبروك عليك

الاجابه الهدهد

هههههههههههههههههههههههه
هاتتخنقوا يا اولاد
هدو اعصابكو العبرة فى النهاية نشوف مين اللى هايكسب نقط اكتر

اقولكو الفزورة بقى

[ندعوك للتسجيل في المنتدى أو التعريف بنفسك لمعاينة هذه الصورة]

يا اللي تحج البيت

لازم عليه تصعد

جبل وكل الحجيح

يتلاقوا في الموعد

يدعوا إله غفّار

والمغفرة تِسعِد

ترجَع كطفل اتولد

وكأنُّه يوم مَولِد

بسم الله الرحمن الرحيم

الاجابه هى :: جبل عرفات::

انا يا بنتى ان شاء الله كسبان مافيهاش كلام

بلاش الثقة بالنفس ديه لتخسر
على العموم انا اسفة يا جماعة انى اتأخرت بس والله غصب عنى النت كان فاصل
اسيبكو مع الفزروة يا حلوين

[ندعوك للتسجيل في المنتدى أو التعريف بنفسك لمعاينة هذه الصورة]

هربوا م الدنيا الغرورة

واللي فيها

وسكنوا فيه

كان معاهم كلبُهم

باسط ذرعة

ولامس الأرض بإديه

ربنا سمّى باسمه

سورة في القرآن تلاها

كل عابِد مال إليه

والنبي وصى عليها

في كل جمعة

صلوا يا سادة عليه

السلام عليكم ورحمه الله وبركاته

صلى الله على سيدنا محمد وعلى اله وصاحبه اجمعين

ههههههههههههههههههههههههههههه

انا كسبان كسبان

الاجابه هى:: الكهف::

الجايزه ليا ان شاء الله

بس ياريت نعمل مركز تانى علشان البنات الغلبانه معانا

وخصوصا ساسو

ههههههههههههههههههههههه
ياسيدي اكسب انت انا سبتلك الجايزه
عشان انا بدخل متاخر
وكمان انت صعبت عليه فقولت اسيبهالك
هههههههههههههههههه
حاولي تدخلي متاخر ياحيرانه
هههههههههههههههه
ضحكتي ميدو عليه

ههههههههههههههههههههه
هههههههههههههههههههههههههه
انتو مصايب والله انا قولت انى بنزلها قبل الفطار
اللى عايز يكسب يدخل قبل الفطار يحلها ويقفل تانى مش لازم يقعد يعنى
وانت يا واااد يا ميدو مش تضحك على سمورة حبيبتى
ما انا لو عايزاها تكسب كان ممكن ابلغها ساعة ما انزل الفزورة بس انا مش بحب الكووووووووسة
على العموم اسيبكو بقى مع الفزورة طولت عليكو

[ندعوك للتسجيل في المنتدى أو التعريف بنفسك لمعاينة هذه الصورة]

نادَى سُليمان جوه مُلكه

مين يجيبه..؟

قال له عفريت:

قبل ما تقوم من مقامك

واللي عنده العلم
قال:

أما أنا فأقدر أجيبه

قبل ما يرتد طرفك.

وف لمحة كان

اللي بنسأل عنُّه

موجود بين إيديه

شكر سليمان لما شافه

نعمة الهادي عليه

يا ترى اللي بنحكي عنه

يبقى إيه!؟